مدرسة الخيانه

اشهد انك للخيانه مدرسه مالك مثيل
وان كأس الحزن منك فاق اصناف العذاب

كنت اظن العهد باقي وما يفرقنا دخيل
صنت انا عهدي وعهدك تاه فى الدنيا سراب

لك عصرت القلب كله من يقول اني بخيل
واحتملت الويل ويلك رغم قلبي اللي مصاب

القناع اللي لبستي غشني صبحاً وليل
حذروني منك لكن فى عيوني الكل غاب

كل يوم انتي بحاله واقبله عذرك اشيل
لو تحسي بس مره كان باعدتي الحجاب

دوم دوم القى الملامه لو بيوم الشغل حيل
وانتي غيبي شهر عادي ما ابد اقوى عتاب

آه منك آه ياللي كنتي لي الشئ الجميل
تلعبي واللعب عندك لذ فى دربك وطاب

والعجيبه يا فلانه حتى فى يوم الرحيل
كان دمعك سيل نازل مثل مزنات السحاب

ويل من يعشق ويخلص ويل حاله ويل ويل
هالزمن يا حب كذبه درس شالته الرقاب

اشهد انك للخيانه مدرسه واكبر دليل
الف عاشق كان يمك وانتهى حاله سراب


ameer